في غيابك تعلن الدنيا وفاتي | عذرا كسرت الباب بالغلط |

أمسكت بزمام قلمي..
جمعت اوراقي المبعثره هنا وهناك..
بدأت بالكتابة قصة من نسيج خيالي..
الذي لا وجود لأبطالها الا في عالم الخيال..

البــــــــــــــــــــــــــارت الأول**
صحت الصبح ع الساعه 8 تروشت و صلت ونزلت تحت شافت الكل صاحي..
شذى:صباح الخير..
الام:صباح النوور ..غريبة طولتي بنوومتك مو من عوايدك..
الاب:ما تنلام من بنتك ما خلتها تنام الا الفجر...
سامي شرق بالقهوة:كح كح كح ..منو تقصد فيهم لا يكون شرووقووه؟؟
شيماء وهي تصب له كاس مويه:اييه اكوو غيرها ظلت جمب شذى للفجر وبطلعت الرووح رضت تفارق و ترووح غرفتها..
شذى وهي تجلس:لا عاااتي حصل خيير اهم شي انها ما تتعاود تنام معي..
كملوو فطوور وبعدها كل منهم توجه الى غرفته .. أنا مع شيماء لترتيب غرف النوم وبعد ما خلصنا جلسنا في غرفة الجلوس شيماء تغير من قناة الى قناةوالهدوء
عاام البيت وفجاءة التلفوون يرن رفعت انا على السماعه ..
شذى:هلا..
الخالة:هلا بيك بنتي اخبارك؟؟
شذى: هلا خالتي بخير والحمدلله..وانتي اخبارك؟؟
الخالة:بخير والحمدلله..
شذى:دووم يارب..
الخاله:تدووم افراحك...الا وين امك؟؟
شذى:دقايق بس اناديها..
الخاله:طيب
..............
شذى:شيمووه روحي نادي على امي خالتي ام شادي تبيها..
شيماء:وليه ما تناديها انتي؟؟
شذى:شيوووم قلبي روحي ما ابي خالتي تنتظر اكثر..
شيماء:طيب طيب..يماااااااااااا..يمااااااااااااااااااااااااااا
الام:وصمـــــــه وش تبين؟؟
شيماء:خالتي ام شادي تبيك على التلفوون..
الام:خير انشاء الله..<<اخذت السماعه من عندي ..
هلا باختي..بخير والحمدلله..ايه كلهم بخير..اليووم؟! طيب مو مشكله ...خلاص حنا بعد صلاة المغرب عندكم..يلا فمان الله..مع السلامه..
بعد ما سكرت امي السماعه سألت أمي:يمه وش فيها خالتي ام شادي؟؟
الام:ما فيها الا الخير بس تبينا نروح لها بيتهم عازمتنا على العشا هناك....
بعدها رحت غرفتي عشان ازهب نفسي لليل وإذا بجوال يرن غنية ميامي.."اهــــواك"..
أنا أهواك
ويل ياويلي ويلي ويلي ويل
حبيبي وانا احبك حيل
يا يا ويل آه ياوي
انا اهواك انا اهواك ودي كل يوم القاك
واعيش معاك يا حبيبي
ولا اقدر في يوم انساك ولا اقدراجافي هواك
وهذا الشي مو بإيدي
ليش العمر يروح ويضيع الهوى
كلمة ترد الروح تجمعنا سوىيا أغلى البشر يا عمري انا
كلدقيقة تروح في بعدك سنة ياعشق الروح وتاج الراس وكل الحبوالاحساس
ياغير الناس يا حبيبي
حياتي فداك والله فداك فدى عمرك فدىدنياك
ولا لي سواك ياحبيبي
لك في القلب شوق واحساس ودفىحبك عالي فوق محروس بوفا يا أغلى البشر ياعمري انا كل دقيقه تروح في بعدك
سنةاهواك ياعمري انا اهواك ياروحي انااهواك لا لا لاتنساني
وياك لو تبعد عني وياك ياقطعه مني
وياك يمك حولك تلقاني

من كان المتصل ؟؟
شذى:هلا والله بهصوت..
:يهلا بيك..
شذى:كيف الحال يابعد حيي؟؟
:بخير والحمدلله..
شذى:زين طرينا على بالك يا القاطعه وش هالقطيعه ؟؟
:لا والله بس انشغلت اشوي..
شذى:طيب ندووووووي بتجين الليله بيت خالتي أم
شادي صح؟؟
ندى:اكييييييييييييييييييييد احد يطوفها الجمعه مع الحبايب؟!
شذى:شقصدك؟؟
ندى:لا مو قصدي شي ..اقصدك انتي يا بعد عمري تفداك روحي يا حياتي...
شذى: ايوووووه افكر بعد تسلمين لي يا حبيبتي..طيب ندوووي اشووووووفك الليلة اوكي؟؟؟
ندى:اوكي..
شذى:باي.
ندى:باي..
سكرت شذى من عند ندى وكملت تزهب روحها حق الليلة......طيب خلوني اعرفكم على العيله..
عائلة ابو سامي:
أبو سامي..فاتح شركة للعائلة واهو مدير هالشركة..
ام سامي..
سـامي:22سنة..طالب في الكلية ..شقي ويحب المغازل...
شذى:21سنة..طالبة في الجامعة وهذه ثاني سنة دراسة..مجده ومجتهده وتبني طموحها حبابه وفيها نوع من المغامره.وتحب كتابة الخواطر و ركووب الخيل.
أسامه:19سنة..طالب في ثالث ثانويه..مجتهد وشاد حيله في الدراسه لانه ابوه وعده بسيارة اذا جاب النسبة العاليه...
شيماء:تعتبر التوأم الثاني من شذى ..عندها نفس الطموح ونفس المغامرات وتحب اختها شذى بقوووه...
وسيم:16سنة..طالب في ثالث متوسطة شقي ومشاغب بس من ناحية الدراسه يحاول يجيب الدرجة العاليه لان شذى وعدته باpsp اذا جاب النسبة العاليه..
شروق:15سنة..طالبة في ثاني متوسط..دلوعة و مغروره ودايم هواش مع وسيم على الأكو والماكو..
.......................
عائلة ابو شادي..
أبو شادي:ماسك له فرع من الشركة اخوه ابو سامي..
أم شادي..
شـــادي:22سنة في نفس عمر سامي طالب في الجامعة اخر سنه له هوايته المفضله ركووب الدبابات..وما يختلف عن صديق عمره سامي مغازلجي..
طلال:20 سنة من هوايته ركووووب الخيل ويدرس بإطاليا...
مشاعل:هي في نفس عمر شذى و تدرس في نفس الجامعة اللي تدرس فيها شذى..بس في الصفات على عكس صفات شذى انطوائيه تحب العزلة ..
سارة:اطباعه نفس اطباع شيماء بنت شقية ودلوعه بس في وقت الشده تعجبك..
فواز: 19 سنة عمره قريب من عمر اسامه وهوايته الرسم ومتامل انه بس يخلص دراسه يفتح له محل للرسم...
.....
عائلة ابو ناصر ..
أبو ناصر...تارك شركة العايله و يشتغل بشركة ثانية
ام ناصر..
تركي:18 سنة هوايته تأليف القصص..ويحلم انه يكون كاتب مشهوور ..طموح انه يخلص دراسه وبعدها يبتدي يحاول يحقق احلامه...
ناصر:متزوج وعنده ولد وبنت ويشتغل في شركة العيلة..
ندى:صديقة شذى الروح بالروح يعني توأم روحها ..شقيه عندها حركات خبله تحب المغامره هم تدرس في الجامعه مع شذى وفي نفس الصف بعد..
مها:زوجة ناصر حبابه تدخل القلب هادئه و متواضعه مع الكل...
العنوود:عمرها:18 سنة هي صديقة شيماء المقربه لها احلامهم نفسها ويعملون على تحيقها سوا..
راشد و دانه :عيال ناصر صغر يعيشون ببرائة اطفال..
واخيراً الكل مجتمع في بيت أبو شادي الوناسه والسوالف والضحك والهيصه كانوا الحريم في الصالة والبنات في مجلس الحريم والرجال و العيال في الحديقة...
شذى:بناااااااااااااااااااات اناااااااااااا مليت من الحال نفسه كلما نجتمع نفس السوالف ونفس النكت ونفس كل شي ياربي غيرو شوي!!!!!!!!!!!!!
ندى:أي والله وأنتي الصاجه يا حبيبتي....
شيماء:شوشو حبيبتي قولي لصاحبتك تمسك لسانها لا أجي أقصه لها...
شذى:ليش عاد وش قالت هي ما قالت شي غلط...
ندى:ايوه وأنتي الصاجه حياتي ما قلتي شي..
شيماء:خليها تسكت لا اقوم وادوس في بطنها الحين...
شذى :شيووووم حبيبتي وش فيك عليها؟؟
شيماء:ابد سلامتك ما فيني شي..بس أغار عليك منها..<<البنت حساسة مرررره...بدت تصيح..
مشاعل:بالله هذي اللي بتخرب علينا ليه تصيح بعد؟؟
شذى:خيتي ليه تصيحين بس لأنها قالت حبيبتي و حياتي !!!افا يا شيووم ما هقيتك كذا؟؟
ندى:الله الله شيماء بنت عبدالعزيز ال.......تصيح!!!
لا لا الدنيا فيها شي اليوم؟؟
شذى:ندييييييييييييييوا مالي خلق سخافتك انا كل شي ولا أختي شييييوم حبيبتي تصيح...يالله عاد شيماء لا تصيحين أنتي أختي وحياتي وقلبي وهم هي توأم روحي ما أقدر استغني عنكم يالله اضحكي علشان أختك..
شيماء:طيب بس علشانك...
جلست ندى تقلد على شيماء وهي تتكلم والبنات ميتين ضحك عليها..
العنوود:بنااااااااااااات عندي لكم خدوش فكره!!
سارة:نورينا....
العنود:وش رايكم نخلي العيال يتسابقون معانا تطلب كل وحده منا سيارة ابوها وأكيد ما راح يقولون لا نتسابق معاهم من هنا إلى الفيصليه...
شذى: ايو والله من زمان ما توونسنا بس لحظة السيارات مايكفوا..!!
العنوود:مو مشكله وانا صاحبتك بس سيارتين البنات في سيارة والعيال في سيارة وبكذا نحلت المشكله..
ندى:طيب ومنو يكلم العيال؟؟؟
البناااااات كلهم بصووووووووت واحد:اكييييييييييد شـــــــــــــــــــــــــــذى....
شيماء:ايوه شوشو يالله كلميهم بليز!
شذى :اوكي مو مشكله وانا بكلم ابوي مره وحده يعطينا السيارة...طيب سكتو كاني اتصل.اتصلت على سامي وقلت له:هلا بخوي كيف الحال عندكم؟؟
سامي:والله ملل وانا اخوك..
شذى:طيب سامي انا والبنات فكرنا نكسر الملل اللي فينا فا قلنا نتسابق معاكم بالسيارات فا انت شاور على العيال هالفكره اخذو سيارة عمي أبو ناصر ولا عمي أبو شادي وأحنا بناخذ سيارة ابوي اوكي؟؟
سامي:والله ان افكاركم جهنميه بس لحظه اختي لا تسكري ابيك تسمعي صوت الشباب وهم يردون..
شذى:طيب...
سامي:شباب البنات يقولون يبون يتسابقون معانا بالسيارات وشرايكم؟؟
العيال كلهم بصوت واحد:قدها وقدود<<متحمسين..
سامي:هههههههه هلا خيه خلاص مو مشكلة بس من وين بدايت السباق وين نهايته؟؟
شذى:البداية من بيت عمي أبو شادي و خط النهاية الفيصليه نلتقي عند الباب اوكي؟؟
سامي:اوكي..
سكرت الخط و قلت للبنات :الحين منو يكلم ابوي يقوله عن السيارة؟؟
شيماء:ولا يهمك خيتك ليه معك؟؟..انا اكلمه وانا بنت عبد العزيز..<<البنت واثقه..
اتصلت شيماء على ابوي:هلا بشيخ القبيلة ..
أبو سامي:ياهلا بشمعة بيتي..
شيماء:يبه طلبتك ولا تردني!!
أبو سامي:امري عيون ابوك..
شيماء: لا سلامة عيونك يبه بس بغيت مفتاح السيارة..
ابو سامي:ما طلبتي شي<<عارف بحركات بناته...
شيماء:طيب يبه بتجيك شروق وعطهم اياها..
أبو سامي:طيب.
شيماء:تأمر على شي؟؟
أبو سامي:ذكر الله..
شيماء:لا إله الا الله
أبو سامي:في وداعت الله.
شيماء:في حفظ الله وامانته..
سكرت شيماء وقالت للبنات:ابـــــــــــــــــــوي وافق يعطينا المفتاح.
اخذنا المفاتيح والتقينا مع العيال عند الباب..
شذى:هايخوي جهزتوا؟؟
سامي:ايوه جاهزين...
شادي:شخباركم بنات؟؟كيف الحال؟؟
العنود:كلنا بخير..<<ملقووووووووف..وثقيل دم..
شادي:شخبارك شذى كيف حالك؟؟
شذى:بخير والحمدلله....
طلال:اقول شادي انت وش دخلك بالبنت سالت البنات
وجاوبك ولا هي مو بنت وانا ما أدري؟؟
شادي:انت اسكت احسن لك...
طلال:تهددني!؟
شذى:بــــــــــــــــــــس سكتوا تبون تقلبونها هواش الحين...
سامي:بـــسكم ثنيناكم هواش...
تركي:طيب ....الحين انتو ما اخترتوا مين راح يسوق السيارة؟؟
شذى:لا ..لا..لاتخاف حسبت حساب كل شي..
اسامه:صحيح منو اخترتوا يسوق؟؟
شذى:اللي بيسوق سيارة العيال سامي و البنات شيماء هذا في البدايه الداره الاوله...اما الداره الثانيه العنود مع
طلال...والثالثه مشاعل مع تركي....والرابعه ندى مع فواز....والخامسة انا مع شادي...<<بس ما راح اكمل اشوفكم في البارت الثاني
نهـــــاية البـــــــــــــارت الأول..
*لمن تتوقعون الفوز للبنات او العيال.؟؟
*وش نهاية هوشات شيماء مع ندى؟؟هل هي مزح او جد..

يسلــــــــموووو

الله يسلمك

تجنن الروايه ابدااع مشاء الله

ننتظر جديدك القادم